日本人都鐘意食嘅9款小食

日本人都鐘意食嘅9款小食

大家都知日本好食嘅嘢真係好多,今次就同大家一齊數吓呢啲連日本人都超鐘意食嘅小食喇!


第1名  大福

大福嘅外皮同麻糬好相似,都係用糯米製成,外面會沾上一層白粉避免有粘手嘅情況發生,裡面包滿咗紅豆泥,餡料一定係超級豐富,令到大福嘅外型圓碌碌。傳聞大福係因呢個外型而被稱為“大腹餅”,之後啲人就改個名做“大福”。


第2名  烤糯米丸子

烤糯米丸子會先稍微烤一烤,再加上醬汁,醬汁多數有兩種口味:醬油或味噌~烤糯米丸子嘅份量其實都幾大,每一粒都係實心,一個人食都幾易有飽肚感~鹹鹹甜甜都真係幾好食㗎!


第3名  蕨餅

蕨餅係由澱粉、水、砂糖製成,唔會好甜,口感冰涼,而且有彈性,容易入口。食嘅時候多數會加埋黃豆粉同黑糖蜜,最近黃豆粉都換成流行嘅抹茶粉!


第4名  銅鑼燒

其實咪啫係叮噹豆沙餅~相信大家係童年已經認識呢款小食,雖然成個製作好簡單,但入面嘅甜蜜豆沙餡係超美味!


第5名  蜂蜜蛋糕

蜂蜜蛋糕其實最早起源係喺荷蘭,當時嘅貴族招待使節嘅時候都會用佢嚟向賓客表達隆重嘅敬意~而蜂蜜蛋糕宜家就成為咗日本出名嘅小食之一,上下兩層焦糖色嘅皮,蛋糕位置超級細膩均勻,相信大家一定會買蜂蜜蛋糕嚟做手信!


第6名  櫻餅

櫻餅用粉紅色嘅糯米做外皮,包入豆餡,最外層圍上一塊櫻葉子,外觀超級可愛,相信唔少女仔會鐘意~關西個邊多數會以道明寺粉(日本磨得比較粗嘅糯米粉)製作;關東就會用白玉粉(日本磨得比較細嘅糯米粉)製作!


第7名  羊羹

其實起源自中國,之後再傳入日本成為當地嘅傳統點心!初期羊羹的確係一種加入羊肉煮成嘅羹湯,再冷凍成點心。後期慢慢演化成為一種以豆類製成嘅果凍形食品,今時今日已經有好多口味,多數以紅豆為材料,但亦都有栗子、番薯甚至是綠茶,整到好似藝術品咁靚點捨得擺入口呀?!


第8名  蕃薯條

相信唔少香港人都一定會鐘意食呢個小食!又脆又易入,食吓一條…食吓一條…唔經唔覺食咗好多XD


第9名  豆沙水果凉粉

呢個小食主要用寒天做材料,凝固次後就會切成骰子形狀,配合唔同嘅食材、水果、雪糕等,女仔咁鐘意食甜品一定會鐘意食呢款小食!


 

Text by Celia Celeste

Facebook : https://www.facebook.com/celianceleste

 


相關文章:

日本竟然有咁多浪漫城堡!!

【實用資料!】日本四大主題樂園門票詳情

外遊上網租Wi-Fi蛋定買SIM卡好呢?-日本篇


日本(市區)4G Wifi蛋 – 特價$23/日 (原價$50/日)

日本(全國)4G Wifi蛋 – 特價$35/日 (原價$60/日)

日本機場接送服務 – 單程$638起 ▲

日本全日包車/點到點接送 – 立即查詢

Leave a reply

Your email address will not be published. Required fields are marked *