【台北遊】台北桃園機場 - 公共交通 v.s.包車服務

【台北遊】台北桃園機場 - 公共交通 v.s.包車服務

去台北其實搭公共交通都幾方便,但有時租包車服務又會舒服啲!今次就以一家四口加兩個行李去四日三夜台北做設定,睇吓公共交通同包車嘅分別喇!


一. 來往台北桃園國際機場

機場巴士

桃園機場巴士係比較多人選擇嘅交通公具,因為喺機場就已經買到車票,好方便!但由於由多間公司分別營運,有啲路線會重複,所以難免會有啲混亂~國光客運同飛狗巴士唔經機場附近嘅南崁,所需時間就會比較少。但大家要留意返,因為部分班次客量唔多,大家有機會要喺台北溫泉街轉車,再轉搭小型巴士前往目的地。如果兩個大人加兩個小朋友,拎住兩個行李要轉車,其實都幾麻煩㗎!機場巴士一般都唔會送到你去酒店門口,大家落車之後就要搵一搵路喇~

票價:約HKD$30一個人(四個人就需要HKD$120)

班次:大約20分鐘一班

車程:約一小時

再提多大家一次,台北西站A棟已經搬咗去台北火車站東三門(捷運M1出口公車候車亭)新址喇!要去台北桃園國際機場嘅話,就唔好去錯地方等車喇~

機場接送機服務

喺出發前就會收到司機資料,大家可以先同司機聯絡,確認航班班次同等候時間、地點等,到時候就唔使同司機玩捉迷藏喇!如果四個人嘅話,就要租五人車~抵達台北桃園機場個程,會有當地司機喺機場接你,航班落地後會免費等待90分鐘,大家有足夠時間拎行李!而往桃園機場機場嘅話,司機會喺航班起飛前2小時送到你去機場~一程車可以來往機場同酒店門口,其實都幾方便,仲省卻咗好多時間添!又唔使拎住行李同帶住小朋友四圍走丫嘛!

台北桃園機場接送機服務(一程):HKD$241

車程:一小時內


. 來往各個景點
「台北觀光護照」

由第一次使用嗰日起計算,以票卡正面標示之天數為有效天數,必須連續使用,到期日為台北捷運、公車營業截止時間為止。以一日車票為例,有效日數為一日,票卡使用限期為啟用後至當日台北捷運、公車營業截止時間前有效。「台北觀光護照」有分一日、兩日、三日及五日,車票包括坐任捷運、台北公車、台北近百個景點、酒店、餐廳等優惠。大家可以考慮返嗰幾日嘅行程係喺市區範圍定偏遠嘅地區比較多而決定買唔買呢款車票~如果你係圍繞住市區四圍去,都可以考慮一吓~

價錢:

一日門票-HKD$45

兩日門票-HKD$77.5

三日門票-HKD$110

五日門票-HKD$175

購買地點:悠遊卡台北車站客服中心 或台北捷運各車站詢問處

悠遊卡

但如果你去嘅地方唔算好多嘅話,同買悠遊卡然後再增值其實唔算差好遠㗎喳!去四日旅行就要買五日門票-HKD$175,但來往市中心每一程大約HKD$5,啫係你要搭35程車先會抵返,每日大約搭8次捷運,其實頭尾兩日都未必搭到8次喇!

遊客一般都會用無記名嘅普通版悠遊卡,每張售價為HKD$50,HKD$25係可用金額,另外HKD$25係按金~全線捷運車站都有悠遊卡出售㗎,大家每次都要最少增值NT$100,啫係港幣HK$25。

如果你要去偏遠地區,例如九份,就要另外買火車票,由台北火車站搭火車往瑞芳火車站,一張來回票價約HKD$25,四個人就要一百蚊!大約一個鐘分就會抵達瑞芳火車站,再轉公車(巴士-約HKD$4),就會到達九份~

當然你可以唔搭公車搭的士,喺瑞芳火車站對出嘅位置已經有的士站,而且已經寫好咗價錢~計返港幣約HKD$45一程,來回就要HK$90喇!

包車服務

全日包車服務最主要就係想令你有一個舒適嘅旅程,一家大細去旅行,如果小朋友仲需要BB車嘅話,搭公共交通公具確實係幾唔方便,始終上上落落係比較麻煩~

但會唔會好貴呢?其實一個旅程唔一定要日日都包車㗎嘛!就好似去九份為例子,搭公共交通公具要轉幾次車,但包車就可以令你舒舒服服到達目的地,對於去呢啲偏遠地區,實在係唔錯嘅選擇!

以LET’S Travo嘅價錢為例子,

- 一般市區內嘅一日(十小時)包車服務價錢係HKD$1350

-就算去遠少少去埋九份、十份都係一樣價錢

-去埋宜蘭嘅包車就HKD$1500
除咗舒服之外,華語司機仲會同你講解每個景點,亦會為你度身定造一個最適合你嘅行程!


去旅行都係想去得開開心心、舒舒服服啫!大家可以按照每一日嘅行程需要,而選擇最適合嘅交通安排喇!


 

Text by Celia Celeste

Facebook : https://www.facebook.com/celianceleste

 


相關文章:

【旅遊遊記】一齊去台北食、玩、買!・Part 1

日本最美的蔦屋書店,在台灣以全新進階版示人!


台灣4G Wifi蛋 – 特價$35/日 (原價$60/日)

台灣機場接送服務 – 單程$116起 ▲

台灣全日包車/點到點接送 – 立即查詢

Leave a reply

Your email address will not be published. Required fields are marked *