名古屋旅行攻略!

名古屋旅行攻略!

名古屋位於日本愛知縣嘅西部,喺歷史上亦係日本戰國文化嘅重要發源地,著名嘅日本戰國三傑都係出身於以名古屋為中心嘅愛知縣㗎!今時今日,去名古屋又應該點玩呢?一齊嚟睇攻略喇!


———-【必去景點】———-
名古屋城

名古屋城係江戶時代最具有代表性嘅平地城堡,又叫金城。名古屋城同大阪城、熊本城被稱為“日本三大名城”~

城中最著名嘅係金鯱,呢個作為防火嘅符咒用咗嚟裝飾大樑,之後就成為城主權力嘅象徵喇。

熱田神宮

熱田神宮係日本最古老同地位最高嘅神宮之一,歷史氣息好濃厚,以供奉日本三大神器之一嘅草雉劍而聞名,不過神器並冇對外展示出嚟㗎~

神宮內嘅古樹,每棵都好茂盛,上面佈滿青苔,青苔上又有小草生長出嚟,成個景色充滿濃厚嘅古代氣息。

名古屋電視塔

名古屋電視塔係地標之一,高180米,大家可以去離地100米嘅展望台,慢慢飽覽名古屋市內嘅景色。

2008年10月更被選為戀人聖地,仲因為咁而設立咗紀念碑添~

德川美術館

德川美術館係一個展示尾張德川家族遺物嘅收藏館, 總收藏量大約有一萬件以上!有國寶級展品九件、重要文物遺產五十九件、同埋重要美術品四十六件等,大眾可以欣賞當時頂尖嘅美術、工藝作品~

名古屋港水族館

去名古屋一定唔可以錯過名古屋港水族館。主要分為南館、北館。南館內主要展示南極海,日本海,深海,赤道海域等海域為主。北館就展示鯨魚海豚等珍貴動物,同時向遊客們展示原始生物嘅進化過程同神秘的極光~

另外,名古屋港水族館仲有定期海豚表演,訓練有素嘅海豚一定會令你大飽眼福~

綠洲21

綠洲21係名古屋嘅地標建築物,同時充分展現環保嘅概念~

綠洲21嘅建築設計主要區分為4部分,最上層係“水之宇宙船”,由玻璃建造,一個承接雨水嘅大水池,水深7cm,雨水可以留返畀其它設施使用,充分展現自然能源循環使用嘅環保概念!旁邊仲設有遊客行走通道,大家可以觀賞呢個獨特嘅建築。

鶴舞公園

鶴舞公園喺1909年成立,呢座有百年曆史嘅都市公園係名古屋市修建嘅第一個城市公園,約有24萬平方米,充滿自然氣息。園內種有約1000棵櫻花樹,每年春季都係名古最出名嘅賞櫻之地。

JR中央雙塔

JR中央雙塔同名古屋車站直接相連,係共有53層嘅超大型綜合商用購物中心!

北塔係唔會開放嘅寫字樓,南塔嘅15 – 52樓就係酒店,51樓嘅展望台係睇夜景嘅熱門好去處;12-13樓就係美食街,11樓或以下嘅樓層就係JR高島屋同東急Hands等購物區。

東山動植物園

東山動植物園係位於日本愛知縣嘅一座市營動植物園,1937年成立。 2010年嘅全年入場人數高達218萬人,喺日本國內僅次於上野動物園~


———-【必食item】———-
碁子麵-きしめん

連當地人都超鐘意食!製作過程中,最重要嘅工序就係打麵,麵條被打至光滑,入口很嘅時候好爽~

米粉糕-ういろう

米粉糕係名古屋嘅傳統特色,由米同糖製成嘅日式糕點~已經有300年以上嘅歷史,口感比羊羹更加柔軟。

鰻魚飯

鰻魚飯係其中一樣最具代表性嘅美食,鰻魚切成細細塊,好整齊咁分佈喺米飯上面,肉質細膩、外皮微焦嘅鰻魚實在好吸引!再加埋鰻魚飯獨有嘅醬油,超好味~

味噌醬炸豬排

油炸嘅大豬排上淋咗口味濃郁嘅味噌醬汁,單係聞香味已經好想一啖咬落去!充滿濃濃味噌香味嘅厚實肉排再加埋白飯一齊食,真係超滿足~

手羽先

最先風靡日本全國嘅名古屋美食就係手羽先,又好味,又夠平!相信大家都一定鐘意呢款日本雞翼~


———-【名古屋天氣小提示】———-

四季都適合去名古屋~名古屋比較近太平洋,空氣潮濕,平均濕度為72%。全年有130多日都會落雨,多雲天氣都有100多天!日照時間大約係43%。夏秋時段會有颱風、地震等災害性天氣。名古屋1月到4月嘅平均氣溫係4 ℃,5月到9月約20 ℃,9月到12月約10 ℃。


 

Text by Celia Celeste

Facebook : https://www.facebook.com/celianceleste

 


相關文章:

【實用資料!】日本四大主題樂園門票詳情

外遊上網租Wi-Fi蛋定買SIM卡好呢?-日本篇


日本(市區)4G Wifi蛋 – 特價$23/日 (原價$50/日)

日本(全國)4G Wifi蛋 – 特價$35/日 (原價$60/日)

日本機場接送服務 – 單程$638起 ▲

日本全日包車/點到點接送 – 立即查詢

Leave a reply

Your email address will not be published. Required fields are marked *