《頭文字D》x 紅葉名所 - 榛名湖伊香保私家一天遊

《頭文字D》x 紅葉名所 - 榛名湖伊香保私家一天遊

上一個行程就同大家介紹咗《頭文字D》入面「秋名山」嘅賞楓行程喇~但係如果想大貪啲,又要紅葉、又要向《頭文字D》朝聖、又要行街浸溫泉?得!呢個行程一次過滿足晒你~除咗去日本紅葉各所 – 「榛名湖」之外,再去埋主角藤原拓海嘅故鄉 – 「伊香保」!🍁 + 🚗 + ♨️


呢條路線嘅頭兩站 – 紅葉名所「榛名湖」,同埋「秋名山道」現實版 – 「群馬縣道33號渋川松井田線」,都喺上一篇《榛名山私家一天遊》介紹過,所以就唔就唔再講,自己Click入去睇下啦~

今次就集中講下呢條路線餘下未講過嘅境點,喺「榛名湖」睇完靚靚紅葉,再行埋「秋名山道」,都差唔多夠鐘要醫肚喇!

時代屋
榛名湖伊香保私家一天遊a
Source: http://grp-hasegawa.com/blog/img/201201jidaiya.jpg

揀得呢度做建議用餐地點梗係有原因啦~「時代屋」係一間兼具美食同歷史價值嘅餐廳,由江戶時代已經建成,原本係起喺隔離縣,但係面臨清拆,所以就成個建築原原本本咁移建過黎而家呢個位置(搬咗黎30年架喇!),所以充滿滿咗歷史氣色,坐喺草泥土砌嘅牆邊、五斗櫃、老鐵壺同俾薰黑嘅木柱空間入面食嘢,感覺好似走入咗江戶時期嘅民居當中,特別有風味~

榛名湖伊香保私家一天遊b
Source: https://uds.gnst.jp/rest/img/rgtwryp40000/s_0n5j.jpg?t=1496662722

呢度嘅「釜飯」非常好吃,用新鮮嘅蔬菜同飯一齊蒸,菜味入晒個飯度,特別係喺個飯黎咗之後,將新鮮嘅「鴨兒芹」放入鍋入面燜熟,可以直接食到最新鮮嘅日本野菜。圖入面係「うなぎ釜めし膳」,即係鰻魚釜飯定食,價錢係¥1,750~

 

全年無休

營業時間:上午11:00~下午08:30

伊香保溫泉石段街

榛名湖伊香保私家一天遊b

溫泉區位置就喺榛名山嘅山腰,係有海拔700米高而又歷史相當悠久嘅溫泉區。呢度有含有鐵質氧化而形嘅茶褐色「黃金之湯」同埋近年先湧出嘅「白銀之湯」種溫泉。除咗歷史悠久之外,伊香保嘅溫泉可以話係與號稱日本第一嘅草津溫泉齊名~

榛名湖伊香保私家一天遊c
Source: http://onsen-trip.com/wordpress/wp-content/uploads/2015/08/tenhou_kuchi_furo1_0828.jpg

 

而點解「黃金之湯」會係茶褐色呢?係因為溫泉入面含有嘅鐵同空氣接觸後氧化,形成茶褐色嘅泉質,呢種泉質對皮膚剌激性低、有助於促進身體內部血液循環,由古時開始已經係病後療養勝地嘅名湯,喺江戶時代甚至有治療不孕症嘅傳說,因而有「子寶之湯」呢個別名呢!而「白銀之湯」就係最近湧出嘅新泉,無色透明嘅泉質據說對恢復疲勞非常有功效。如果有時間嘅話,非常推薦兩種泉質都浸晒!唔夠時間嘅話都可以試下呢度嘅「足湯」,顧名思義即係可以坐喺池邊浸下腳傾下喝嘅地方,呢度好多溫泉旅館都會免費提供俾遊客使用架~

 

成個溫泉區由呢條石段街貫穿,一階階石階往上延伸,共365層嘅石頭臺階獨具風情。石段街兩旁有好多歷史悠久嘅鋪頭,最上面就係通往伊香保神社嘅鳥居,另外據說喺攀爬階梯嘅同時財運都會跟著上升,黎到呢度嘅話記住要行晒去呀~

 

伊香保神社

榛名湖伊香保私家一天遊d
Source: http://upload.wikimedia.org/wikipedia/commons/e/ec/伊香保神社_Ikaho_shrine_-_panoramio.jpg

喺石段最上層嘅伊香保神社,供奉嘅係醫療同溫泉之神。出名保祐求子嘅信徒同埋產子順利,另外聽講對於求戀愛運都好靈驗,所以可以喺度睇到唔少嘅女性喺度參拜。當然,喺參拜嘅同時,由神社呢個位置望落去,仲可以望晒成條石段街嘅景添!

干支

榛名湖伊香保私家一天遊e
Source: http://img.4travel.jp/img/tcs/t/pict/src/42/13/06/src_42130642.jpg?1452698364

喺石段街上面,大家不時可以睇到印有各個生肖嘅石版印出現~原來喺200年前,伊香保有12家被喻為「大家」嘅溫泉旅館,而12生肖就好似店徽咁分別對應12家旅館。雖現而家只係剩返4家繼續營業,不過喺店嘅舊址上面,仍然保留咗刻有代表該店嘅生肖石版印,大家又黎睇下搵唔搵到自己嘅生肖石版印丫~

小滿口

榛名湖伊香保私家一天遊f
Source: http://c.share.photo.xuite.net/herohiro/1c31fec/19325490/1059785914_m.jpg

另外可以睇到一個個細細嘅透明「窗仔」咁嘅裝置出現,望入去可以見到流動嘅泉水。當地人叫佢哋做「小滿口」,其實就係將源頭流出嘅溫泉引到各旅館嘅裝置,成條石段街加埋有4個~

榛名湖伊香保私家一天遊g
Source: http://scontent-amt2-1.cdninstagram.com/t51.2885-15/e35/14309898_1316744848365976_1539432773_n.jpg

行到攰攰哋,梗係口痕要食下嘢喇~溫泉饅頭可以話係所有溫泉名所嘅指定手信,而聽講伊香保更加係溫泉饅頭嘅發源地!為咗模仿「黃金之湯」嘅顏色,伊香保嘅鋪頭喺材料入面加入黑糖,製作成茶褐色嘅「湯乃花饅頭」。呢種溫泉饅頭喺推出之後大受好評~各溫泉名所都爭相模仿推出,所以伊香保嘅饅頭可以話係溫泉饅頭嘅始袓(起碼呢隻茶褐色溫泉饅頭係丫😜)!

人形自動車博物館 (藤原豆腐店招牌)

其實係四館相通嘅博物館,包括:人形博物館、自動車博物館、泰迪熊博物館、甜點糖果博物館等四大主題,遠近馳名(當然藤原豆腐店應記一功喇~),所以吸引唔少遊客黎呢度參觀。俾錢入場後會得到一隻公仔、入場卷同一張地圖。齋睇地圖都唔覺,但係行兩行之他後就發現原來呢度超大!而且分成了好多個部份,真係咩都有!

人形博物館

榛名湖伊香保私家一天遊h
Source: http://userdisk.webry.biglobe.ne.jp/009/708/27/N000/000/009/138728619682192719226.jpg

除咗有由昭和時期起嘅三萬個各式各樣懷舊人形公仔喺度展出之外,仲有淳樸古老風味嘅「糖果屋」同古早時代玩具,相信唔少大朋友都可以喺度搵返一啲兒時記憶。

泰迪熊博物館

榛名湖伊香保私家一天遊i
Source: http://livedoor.blogimg.jp/gotokentarou/imgs/2/b/2bb93b14.jpg

收集世界各地嘅特色Teddy Bear(唔係賤熊Ted呀~),手工細膩栩栩如生,鐘意Teddy Bear嘅朋友千祈唔好錯過~

甜點糖果博物館

各位女士抵唔抵受到日本甜點嘅誘惑先?呢度展示咗日本甜點嘅製作過程,可以充份了解到日本人製作甜點嘅認真精神(其實佢哋做乜都咁認真)。而穿過恍如置身歐洲嘅精緻商店街,黎到糖果博物館夢幻嘅聖誕節佈置入面,仲有各種吸引嘅手工餅乾同朱古力買添~

自動車博物館

榛名湖伊香保私家一天遊j
Source: http://blogs.c.yimg.jp/res/blog-79-ef/windkaze91/folder/630590/67/24183467/img_4?1353222848

日本以汽車工業聞名於世,博物館入面展示咗幾十部高齡古懂車之外,仲可以睇到呢幾十年黎汽車嘅演變歷史。重點黎喇~喺電影《頭文字D》入面嘅取材地點「藤原豆腐店」,本來係的確存在嘅,但係後來因為豆腐店所在嘅地區重建,所以無奈結業,店主就將招牌送俾博物館做紀念喇~

 


相關文章:

「皇室後花園」輕井澤 – 私家紅葉一天遊

《頭文字D》x 紅葉名所 – 榛名山私家一天遊

回顧TripAdvisor日本紅葉名所排名2016

紅葉一定係紅色?


 ▲ 日本機場接送服務 – 單程$525起 ▲

日本全日包車/點到點接送 – 立即查詢

Leave a reply

Your email address will not be published. Required fields are marked *